დიაბეტის საინექციო პრეპარატი შეიძლება აბების ფორმით გამოჩნდეს
ტიპი 2 შაქრიანი დიაბეტით დაავადებულმა 1100 ადამიანმა პრეპარატის გამოცდაში 26 კვირის განმავლობაში მიიღო მონაწილეობა. ისინი რამდენიმე ჯგუფად დაჰყვეს. ერთს ყოველკვირეულად უკეთებდნენ 1 მგ სემაგლუტიდს, ხუთ სხვა ჯგუფს აძლევდნენ პერორალურად - 2,5, 5, 10, 20 ან 40 მგ. კიდევ ერთი ჯგუფი იღებდა პერორალურ ფორმას მუდმივად მზარდი დოზირებით. იყო ასევე პლაცებოს ჯგუფიც.
პრეპარატის პერორალური ფორმის ყველაზე დიდი დოზა ისევე ეფექტური იყო, როგორც ინექცია. ის კარგად აკონტროლებდა შაქრის დონეს და მოხალისეებში წონის კლებასაც იწვევდა.
მას, ვინც 40 მგ საშუალებას იღებდა, საშუალოდ გლიკირებული ჰემოგლობინის დონე 1,9%-ით უქვეითდებოდა. მოხალისეთა 70%-ზე მეტს სხეულის მასა მინიმუმ 5% (დაახლოებით 6,8 კგ) უმცირდებოდათ.
ამერიკელი ენდოკრინოლოგების აზრით, პერორალურ ფორმას ადამიანების ცხოვრების რეალურად შეცვლა შეუძლია. სემაგლუტიდი ეფექტურია, მაგრამ ცოტას თუ სურს ინექციების გაკეთება.
ლალი ჩხიკვაძე